Charles Darwin by Julia Margaret Cameron.jpg

Charles Robert Darwin (12 Shkurt 1809 - 19 prill 1882) ishte natyralist, gjeolog dhe biolog anglez, i njohur për themelimin e teorisë së evolucionit, sipas së cilës të gjitha krijesat zhvillohen me kalimin e kohës.

ThënieRedakto

  • Është e lehtë të specifikohen objektet individuale të admirimit në këto skena madhështore; por nuk është e mundur të jepet një ide e përshtatshme për ndjenjat më të larta të çudisë, habisë dhe përkushtimit, të cilat mbushin dhe lartësojnë mendjen.
  • Një republikë nuk mund të ketë sukses, derisa të përmbajë një organ të caktuar njerëzish që mbështeten në parimet e drejtësisë dhe të nderit.
  • Këtë ruajtje të variacioneve të favorshme dhe refuzimin e variacioneve dëmtuese, e quaj Përzgjedhje Natyrore (Seleksionim Natyror).
  • Një ligj i përgjithshëm, që çon në avancimin e të gjitha qenieve organike, domethënë, shumimin, ndryshimin: le të jetojnë më të fortit dhe le të vdesin të dobëtit.
  • E madhe është fuqia e keqpërfaqësimit të qëndrueshëm; por historia e shkencës tregon se për fat të mirë kjo fuqi nuk zgjat shumë.
  • Nuk shoh asnjë arsye që pikëpamjet e dhëna në këtë vëllim duhet të shokojnë ndjenjat fetare të secilit.
  • E gjitha çka mund të bëjmë është të mbajmë në mend që çdo qënie e gjallë përpiqet të shumohet në progresion gjeometrik; që secilës, në ndonjë periudhë të jetës së saj, gjatë ndonjë stine të vitit, gjatë çdo breznie ose me interval, i duhet të luftojë për jetë dhe të pësojë shkatërrime të mëdha. Mendimi mbi këtë luftë mund të ngjallë trishtim, por ne mund të ngushëllohemi me besim të plotë se lufta e natyrës nuk është e pareshtur, se frika nuk ndihet, se vdekja përgjithësisht është e menjëhershme dhe se i fuqishmi, i shëndetshmi, dhe i lumturi mbijeton dhe shumohet.[1]
  • Padituria gjithmonë ka një siguri më të madhe se dituria dhe vetëm injorantët mund të pohojnë me siguri se shkencat kurrë nuk do të jenë në gjendje të zgjidhin këtë apo atë problem.[2]
  • Dhiata e vjetër me historinë për botën që duket qartë se është e rreme, me kullën e Babilonisë, me ylberin si shenjë paralajmëruese... dhe duke i veshur zotit ndjenjat e një tirani hakmarrës nuk meriton më shumë besim se sa librat e shenjtë të indianëve ose se sa besimi i njerëzve të egër.[3]
  • Kur kujtoj se me çfarë egërsie na kanë sulmuar përfaqësuesit e kishës, më duket për të qeshur se si dikur edhe unë kisha ndërmend të bëhesha prift.[4]

Thënie për tëRedakto

Thënie të atribuara gabimishtRedakto

ReferimetRedakto

  1. ^ Çarls Darvin (1982) [1888]. "Struggle for existence" [Lufta për ekzistencë]. Origin of Species by Means of Natural Selection, or the Preservation of Favoured Races in the Struggle for Life [Prejardhja e llojeve me anën e seleksionit natyror ose ruajtja e racave më të përshtatura në luftë për jetë]. Përkthyer nga Nelson Çabej. Tiranë: 8 Nëntori. f. 107.
  2. ^ Darvin, Çarls (1998). Jorgaqi, Nasho; Lloshi, Xhevat (red.). Antologjia e fjalës së mençur. Botimet Enciklopedike. f. 42.
  3. ^ Darvin, Çarls (1998). Jorgaqi, Nasho; Lloshi, Xhevat (red.). Antologjia e fjalës së mençur. Botimet Enciklopedike. f. 110.
  4. ^ Darvin, Çarls (1998). Jorgaqi, Nasho; Lloshi, Xhevat (red.). Antologjia e fjalës së mençur. Botimet Enciklopedike. f. 112.

Lidhje të jashtmeRedakto