Shpend Sollaku

Ky artikull nuk përmban asnjë referim. Për pasojë, besueshmëria në të lë për të dëshiruar. Ndihmoni të shtojmë burime sipas udhëzimeve të përshkruara te Ndihmë:Referimi.

Shpend Sollaku (3 prill 1957 -) është ndër pionierët e lëvizjes demokratike në Shqipëri, ndër themeleuesit e Partisë Demokratike e asaj Republikane.

Thënie

• Asnjë mace nuk ka bërë vetëvrasje sepse nuk e përmendin në Ungjillët.

• Luftrat qenkëshin jetësore si të jashtëqiturit. Barkboshi nuk ka asgjë për të jashtëqitur.

• Varfëria nuk është një pretekst për një veprim kriminal, por është shpesh shkaku.

• Per të qenë vjedhës më parë duhet të dish të fshehësh.

• Demokracia është më e vogla e të këqijave, nuk njihet akoma një e keqe më e vogël.

• Pornografia është nga drogërat më të këqia, vret dashurinë e normalëve.

• Lufta është ajo që kërkojmë,duke e shprehur si kërkim të paqes.

• Libri vërtetë mund të ndryshoje botën,por të atij që lexon.

• Politikani më i mirë është ai që gënjen më pak.

• Përtej shikimit të miopit është errësira, përtej horizontit të injorantit është boshi.

• Historia e shkruar vetëm nga fitimtarët nuk ka se si të mos jetë e cungët, mungon rënkimi i të mundurve.

• Askush nuk e ka dashur njeriun,ashtu siç e do një qen.

• Ekzistojnë vetem dy raca njerëzore : të pasurit e të varfërit,kusuri është demagogji.

• Intelektualët frymëzojnë revolucionet,hyjnë të parët si idealistë e dalin te parët si humbës,të shqelmuar nga oportunizmi e injoranza.

• Mitet e ndërtuara mbi rrënojat e miteve të tjerë e kanë historinë të shkurtër, edhe ata do të rrëzohen nga të tjere mite të frymëzuar prej pasardhësve.

• Puna pothuaj gjithmonë të bën skllav, ndonjëherë të bën të lirë.

• Hipokriti është më i keq se tradhëtari, sepse vazhdon t'i besohet një tradhëtari.