Fan Noli

Fan Noli (6 janar 1882 - 13 mars 1965) ishte prift, përkthyes, politikan, diplomat, poet e historian shqiptar.

Thënie

• Burrat e mëdhenj nuk i munguan as dje Shqipërisë, as sot dhe nuk do t'i mungojnë as nesër.

• Çdo komb çlirohet me përpjekjet e veta.

• Këngën e lirisë... asnjë saze s'e lot dot përveç dyfeqeve.

• Ne jemi njerëz; jo, ne jemi burra, jo, ne jemi shqiptarë. Shqipëria na kërkon ndihmë. Le t'i japin pa numëruar... Shqipëria kërkon luftëtarë: le të rendim tek thirrja e saj. Le të sulemi nën flamurin e kuq në flakë të luftës, që të na drithërohet trupi nga dehja e barutit, që të na ndizet shpirti nga zjarri i shenjtë i lirisë dhe le të vdesim duke thirrur: "Rroftë Shqipëria".

• Ne jemi shqiptarë dhe e kemi për detyrë të mbetemi siç qemë prej kohë, stoli e maleve të larta dhe të qiellit.

• Njeriu mund të zgjedhë cilëndo fe që ka trashëguar prej stërgjyshërve dhe që i pëlqen, por s’mund të zgjedhë një tjetër kombësi dhe të luftojë të tijën, pa vënë në ballë një vulë të madhe prej “tradhëtari”.

• Këngën e lirisë asnjë saze s'e luan dot si dyfeku.

• Kemi 800 mësues, po nga këta vetëm 50-60 meritojnë emrin mësues. Të tjerët mund të jenë të zotë të bëhen gjeneralë, ministra, kryeministra, anëtarë të Këshillit të Naltë, por jo të marrin përsipër barrën e rëndë e të shenjtë të rritin brezin e ri, nga i cili presim shpëtimin e Atdheut.