Franz Kafka

Franz Kafka (3 korrik 1883 - 3 qershor 1924) ka qenë shkrimtar bohem gjermanofolës, i cilësuar si një nga shkrimtarët e historive të shkurtra, dhe modernistët më të mëdhenj të gjuhës gjermane të shekullit XX. Disa nga shkrimet e tij mbetën të pambaruara dhe u botuan pas vdekjes së tij, megjithëse dëshira e tij ishte që ato të asgjësoheshin - janë bërë ikona në letërsinë e Perëndimit.

Thënie

• Ai që s'di të gënjejë, mendon se të gjithë thonë të vërtetën.
• Një libër duhet të jetë një kazmë që të çajë detin e ngrirë brenda nesh.
• Shenja e parë e të kuptuarit shfaqet me dëshirën për të vdekur.
• Njeriu i torturuar nga djajtë vetjak hakmerret marrërisht ndaj të tjerëve.
• Unë e dua, por nuk mund t'i flas. Kujdesem gjithmonë që të mos e takoj.
• Pyetjet që nuk marrin përgjigje që në lindje, nuk do të marrin përgjigje kurrë.
• Prindërit që presin mirënjohje nga të bijtë janë si fajdexhinjtë që rrezikojnë qëllimisht paratë e tyre në mënyrë që të arkëtojnë interesat.
• Historia e njerëzimit është një çast mes dy hapave të një shtegtari.
• Frika ime është esenca ime dhe ndoshta pjesa ime më e mirë.
• Është e vështirë të thuhet e vërteta, sepse përnjëmend ekziston vetëm një e tillë, por ajo është e gjallë dhe zotëron gjithashtu një fytyrë të gjallë e të paqëndrueshme.
• E keqja e njeh të mirën, por e mira nuk e njeh të keqen.
• Nuk mund të jetë kurrë e vogël dhurata që jepet me dashuri.
• Dashuria nuk është problemi, si nuk është problemi makina: problemet i kanë shoferi, pasagjerët dhe rruga.

Thënie për të

• Kafka përshkroi me një fuqi të mrekullueshme imagjinare kampet e ardhshme të përqendrimit, paqëndrueshmërinë e ardhshme të ligjit, absolutizmin e ardhshëm të Aparatit shtetëror.

Bertolt Brecht

Referime

• Kafka, Franz. "Aforizma.al - Thënie nga Franz Kafka". Aforizma.al. Marrë më 29 shtator 2020.